kaya't kailangang itali sa pulsuhan o sa kutsara para hindi masayang.
Kada Linggo matapos magsimba, may bago akong lobong de-tali
dahil naglipana sa labas ng simbahan ang mga nagtitinda nito.
Ngunit hindi na gaanong uso ngayon ang lobong de-tali.
Napalitan na ng lobong de-tingting o de-patpat.
Hindi raw kasi ligtas sa kalusugan at kalikasan ang mga lobong de-taling lumilipad.
Ang kemikal na nakapagpapalipad dito, maaari raw makasama sa lalanghap.
At ang mga lobong lumilipad, kung minsan daw, napapadpad sa dagat.
Kahawig pa rin ng lobong de-patpat ang lobong de-tali: tuwid, makulay, malaki.
Ngunit ang mas kapuri-puri: ligtas ito para sa kalusugan at kalikasan.
Walang kapanga-panganib.
Kaya naman mas uso na ngayon ang mga lobong de-patpat.
Ligtas kasi, e
Ligtas. Ligtas nga. Ligtas.
Pero hindi lumilipad.
.
No comments:
Post a Comment