Disclaimer:
Everything in this list actually happened (some even more than once). It should be noted, however, that
* I usually handle upperclassmen (seniors and juniors),
* most of these moments happened later into the school year, when my students and I are already quite familiar with each other,
* these moments were lifted in isolation (there's a before and an after to each of these moments that are cheerful in nature),
* these moments involved those students that were "makulit" and "mahirit", and those that really tested the teacher's patience and alertness,
* I loved and will always love my students (including the ones in these moments, nonetheless).
1.
ESTUDYANTE: Ser! Wrong spelling, wrong?
ROBOCAP: Ang puting ngipin ba, puti? Ang pulang lobo ba, pula? Ang seven dwarves ba, seven? Wrong spelling ba, wrong? Sa susunod, ang dapat mong itanong, "Ser! Wrong spelling ba, tatanggapin n'yo?". Dahil kahit sino'ng tanungin mo, ang wrong spelling ay wrong!
2.
ROBOCAP: Ang sagot ay "D. Tama ang lahat ng sagot".
ESTUDYANTE: Ser, puwede bang sagot ang "B"?
ROBOCAP: Puwede.
ESTUDYANTE: Yehey! (magdiriwang nang maingay)
ROBOCAP: Puwede rin ang "A"; puwede rin ang "C". Kaya nga "D" ang sagot! Maupo ka.
3.
ROBOCAP: Ang sagot sa bilang 42 ay "B".
ESTUDYANTE: Ser, puwede po bang "C"?
ROBOCAP: Bakit?
ESTUDYANTE: Aaaa… (matagal).
ROBOCAP: Puwede bang maupo ka't umisip muna ng ikakatwiran para sa sagot mo?
4.
ESTUDYANTE: Ser, bakit hindi "A" ang sagot?
ROBOCAP: Puwede bang sabihin mo muna kung bakit oo?
5.
ESTUDYANTE: Ser, am'pogi n'yo talaga.
ROBOCAP: Kahit hindi mo sabihin.
6.
ESTUDYANTE: Ser, puwede bang ubusin ko muna itong pagkain ko kahit bell na.
ROBOCAP: May pagkain din akong hindi ko naubos. Kailangan ko na kasing pumunta rito dahil bell na.
ESTUDYANTE: Ser, itatapon ko ba ito? Masama ang magsayang, 'di ba?
ROBOCAP: Oo nga. Kaya bakit ka bumili ng pagkain kahit wala ka namang panahon para kumain? Sayang lang. Masama ang magsayang, 'di ba?
7.
ESTUDYANTE: Ser, hindi namin maintindihan ang mga isinulat niyo sa pisara.
(Ipinatong ko kasi ang mga isinulat ko sa mga notes sa blackboard ng naunang klase nila.)
ROBOCAP: Kaya sa susunod, burahin n'yo ang notes ng nakaraang klase. Kasi AKO, hindi ko naman talaga kailangan ng malinis na pisara; KAYO ang may kailangan ng malinis ang pisara!
8.
ROBOCAP: Magandang umaga sa inyong lahat.
KLASE (hindi lahat): Magandang umaga po, Ginoong Capinding.
ROBOCAP: Maraming hindi bumati sa akin. Puwes, hindi ko kayo babatiin uli para lang makabati ang mga hindi bumati. Mensahe para sa mga hindi bumati: Kapag ako naging sikat o naging dakila o naging bayani o naging santo sa hinaharap, manghihinayang din kayong may mga pinalampas kayong pagkakataong batiin ako!
9.
ROBOCAP: Maglabas ng size 4.
KLASE: Huh? Ha! Ano?
ROBOCAP (bored): O siya. Maglabas pa rin ng papel. Lagi namang iyon din ang karugtong ng mga "Huh?-Ha!-Ano?" niyo, e.
10.
ESTUDYANTE: Ser, kamukha mo si Jet Pangan! (Tatawa ang buong klase.)
ROBOCAP: Buti ka pa. Walang kamukha mong puwedeng maging artista.
11.
ROBOCAP: Bakit ka nagsasalita habang nagsasalita ako?
ESTUDYANTE: Ser, tinatanong ko lang sa kanya kung ano ang tayutay?
ROBOCAP: Hindi ko tinatanong kung bakit ka nagsasalita. Tinatanong ko kung bakit ka nagsasalita HABANG NAGSASALITA AKO!
ESTUDYANTE: Sori po, ser.
12.
ROBOCAP: Ano ba?!! Am'boring niyong estudyante!
13.
ESTUDYANTE: Ser, puwede bang hindi ako magpasa ng assignment ngayon?
ROBOCAP: Puwede rin bang pagalitan kita nang todo-todo ngayon?
14.
ROBOCAP: Pag'bilang ko ng tatlo, tumawa tayo nang maikli pero malakas na malakas. Isa, dalawa, tatlo!
KLASE: (Tatawa nang maikli pero malakas.)
(Magigising ang natutulog na si BOY-TULOG.)
BOY-TULOG: Huh! Bakit? Pare, bakit?
ROBOCAP: Huwag n'yong sasabihin sa kanya kung bakit kayo tumawa. Ikaw, Boy-Tulog, huwag ka na ring magtanong. Talagang gano'n. Noong nagpasya kang matulog, isinuko mo na ring makinabang sa lahat ng aliw at araling makukuha mo sa sesyong ito.
15.
ROBOCAP: Puwede ba, kaibigan, huwag kang matulog. An'daya mo kasi, e. Inaantok din ako ngayon, akala mo.
16.
ESTUDYANTE: Ser, puwede bang magbanyo?
ROBOCAP: May LBM ka, ano?
ESTUDYANTE: Wala po. Bakit, ser?
ROBOCAP: Kasi 'yun lang ang dahilan kung bakit kailangan mong magbanyo ngayon kahit nagbabanyo ka na sa bawat 5-minute break niyo.
17.
KLASE: Ser, sssshhh. Huwag na kayong magsalita, please. Hindi kami maka-concentrate sa sulatin namin.
ROBOCAP: Now you know how it feels.
18.
ESTUDYANTE: (malakas) Ser, wala akong bolpen!
ROBOCAP: Talaga? Grabe, an'laki ng problema KO!
19.
ESTUDYANTE: Ser, puwede bang lumipat ng upuan?
ROBOCAP: Puwede. Bakante ang bench sa labas.
20.
ESTUDYANTE: Ser, puwede bang umabsent sa Tuesday?
ROBOCAP: Lahat naman: puwede. Pero hindi lahat: dapat.
(At marami pang iba. Abangan ang mga susunod.)
No comments:
Post a Comment